चांद्रयान!

लेकीसाठी केलेले बडबडगीत..

चांद्रयान!
                  5/2/2009

चंद्रावरती जाणार होतं
आपलं पहिलं चांद्रयान
त्यात बसून जाण्याचा
दिला होता मलाच मान...

चंद्रावरती जाण्यासाठी
राहिले होते दिवस चार
कौतुक झाले फार फार
रातोरात झाले 'स्टार'...

शेपटीपाशी लागलेली
आग विझवत कशीबशी
कळले नाही माझे मलाच
कधी पोहोचले चंद्रापाशी...

फोटो घेतले चांदण्यांचे
चंद्राच्या आकाशातून
पृथ्वीकरून 'मेसेज' आला
बघ आम्हाला दुर्बिणीतून...

दुर्बिणीतून बघितल्यावर
वाटले जावे आईकडे
हट्ट करणार कोणाकडे?
एकटीच होते मी तिकडे...

आता मात्र धीर सुटला...

आता मात्र धीर सुटला
जोराने रडु फुटले
बाबांनी उठवल्यावर
पटकन झोपेतून उठले...

                   -सुकृता